أسباب مقارنة النفس بالاخرين....
دايما واحنا صغيرين ،كانوا بيقارنوا بينا وبين قرايبنا وجيرانا
شوف ابن خالتك جاب كام فى المية وانت نجحت بالعافية ،شوف ابن الجيران دخل كلية وفلح وانت مفلحتش ..
طبعا هما كانوا بيقصدوا بالمقارنة دى انهم يحفزونا !!! بس ايه اللى حصل بعد كدة ؟!!
اللى حصل انك بعد ما تخرجت ،وبدات ترسم لنفسك طريق ...
اتلاقيت ناس كتيير حواليك ،احسن منك وكنت كل شوية تقارن نفسك بيهم ...
بحكم العادة اللى زرعوهاا اهلك فيك ،عايز تبقى احسن منهم وخلاص ..
لدرجة انك نسيت شغفك وهدفك اللى كان عندك فى البداية ....
ونسيت الطريق اللى انت رسمته لنفسك وبقيت عايز تبقى احسن من الشخص ده وخلاص ....
طيب هل ده صح ، بكل تأكيد لا مفيش حد احسن منك ومفيش حد احسن من حد ...
ربنا خلق كل واحد مننا بقدرات معينه وطريقة تفكير مختلفة ...
انت كدة ببساطه بتقتل شخصيتك وبتموت فرحتك بانجازاتك ،حتى لو كانت انجازات صغيرة ..
ده اللى بيحصل بالظبط لما بتقارن نفسك بغيرك ...
طب ايه الحل ....
فى خطوات هتساعدك انك تقارن نفسك بغيرك ...
1_ خليك واثق انك عمرك ماهتكسب ،اى مقارنه مع غيرك مهما عملت
ومهما حاولت انك تكون احسن واحد هتلاقى واحد احسن منك بكتير ....
اديك مثال .. مثلا لو اشريتت عربية جديدة ومبسوط بيها اوى وفرحان
انك معاك عربية احسن من زميلك اللى معاك فى الشغل ،تيجى وانت مروح البيت
تلاقى جارك اللى ساكن جنبك ،اشترى عربية احسن من عربيتك بكتيير
ايه اللى هيحصل ساعتها ...
ساعتها فى لاحظه هضيع فرحتك بعربيتك الجديدة ،وهتبدأتندم انك جيبت العربية دى
وتقول لنفسك انك المفروض انك كنت تستنى شوية وتحوش فلوس
وتجيب عربية احسن من اللى جايبها جارك ،انت كدة ببساطة بتموت فرحتك
صدقنى عمرك ماهتكسب فى اى مقارنة تدخلها مع اى حد
2 _ لو عايز تقارن نفسك بحد ...
قارن نفسك بنفسك ،بدل ماتقارن نفسك بغيرك ،كل فترة اقعد مع نفسك وشوف
انت اتعلمت ايه وطورت مهاراتك فى ايه ،وقيم نفسك، وشجع نفسك
وحط لنفسك هدف واسعى لتحقيقه ،وشوف انت دلوقتى عايز توصا لايه
واشتغل على نفسك صدقنى لو ركزت مع نفسك شويه هتفرق معاك كتيير اوى
وهتشوف الفرق واضح قدامك ،ونصيحة
اوعى تقارن نفسك بحد مهما حصل
