أنواع العلاقات السامة....
عندنا مبدأغريب جدا فى علاقتنا مع الناس ،ممكن يدمر اقوى العلاقات المبنية بقالها سنين كتييير
مبدأ (طالما استحملت مره يبقى شيل طول عمرك وانت ساكت )
فى ناس لو لقوا حد بيحبهم بيجوا عليه ويزهقوا معاهم ،ويطلعوا عينوا عشان عارفين انه بيحبهم
فعادي يسيبوا زعلان ويخبط راسه فى الحائط ، كل ده عشان ضامنين ان الناس دول بيحبوهم
وفى مديرين فى الشغل ، لو لقوا موظف بيحيب شغله ومجتهد فى عمله بيطلعوا عينه
مش انت لتحب شغلك استحمل بقى ، بشيلوا شغل خمس موظفين معاه ، طالما عمره ما قال (لا)
يخلوه يكره الشغل حتى لو كان مبدع فيه ،حتى لو كان الشغل ده اكتر حاجة هو بيحبها
وفى ناس لو زعلوك ولاقوك عديت الموضوع بيسوقوا فيها ،وبيفتكروا ان طالما عديت موقف
زى ده هتعدى اى حاجة بعد كده ،وملكش حق تزعل او حتى تعاتب ...
واو زوج او زوجة شالوا مسؤلية كل حاجة من البدايه ،تلاقى الطرف التانى بيتمادى
ويكبر دماغه من كل حاجة ،والطرف الاول هو اللى بيدور فى الساقية لوحدة
بدال ماعرفت تشيل مرة يبقى تشيل الشيلة لوحدك على طول ......
احنا بنفنى حياتنا وبنحاول نرضى ناس مش معترفين بينا اصلا
اللى بيستحمل حاجة او حد بدافع الحب والاخلاص ...
مش لازم نكرهه فيها بعدم تقديرنا ،مش لازم نقطم وسطه او نتعب نفسيته \
مش لازم نخليه يندم على طيبة قلبة ودماغه الكبيرة واحتوائه للغير
مفيش حاجة اسمها ده غلبان وبيسكت فاجى عليه براحتى ،واطلع روحه براحتى
الناس اللي بتزهقوها دى ،هيسيبوكم لو مش انهاردة اكيد هيبقى بكرا
لان كل انسان وليه طاقة ،كل انسان وليه طاقة
والله العظيم مهما كان بيحبكم وشاريكم متخسروش احسن وانضف ناس فى حياتكم
لا نهم في يوم من الايام و مشوا مش هيررجعوا تانى ، هيررجعوا تانى
